晴天公仔@生活悠閒館

2008.12.19 (五)

旅館: 汝矣島既LEXINGTON HOTEL

 第三日行程: 

Breakfast: 食烏冬麵 -> 鳳凰城滑雪場 -> Lunch : @ 滑雪場內 -> 入首爾啦 -> 仁寺洞 ->

Dinner:石頭拌飯@萬多羅 -> 返酒店 -> 東大門(自加行程)

Good Morning~ 又係7:00 morning call, 又係要執齊行李又要搬竇了....今晚會返首爾市區啦..

朝早大家已一早著定晒D滑雪裝啦, 帶定自己既衫, 滑完雪就換返。早餐都未食呢...

因為我地要離開呢個咁靚既小木屋啦...臨行時，影返張相先...

見到嗎?!?!啊.....原來係你......尋晚就係你喺度半夜係咁吠....

今日既早餐係食烏冬麵配一大堆配菜AGAIN...(我真係幾鍾意食佢D細細碟野食..好好味)。

gary話尋晚落過一陣飄雪......點解我會見唔到架...

剩係見得到地下...同黏左喺膠板度既......"証據"囉..

食完早餐...又嗱嗱淋上車，出發去滑雪場啦...

哎吔...你地冇睇錯時間係....係四點一....不過係尋日晏晝之嘛...HAHA

第一站去租滑雪用具......首先...度左隻腳既SIZE先...黎黎黎...COMEON...踏上去啦..

SIZE就寫左落張飛度....跟住攞住張飛去COUNTER攞鞋，因時間關係....鞋已經著上了..(真係可以變身做機械人了)..因為著左後...好似機械人咁行路...寸步難行...

跟住落黎攞埋D超重既滑雪用具...先....跟著大隊行先...

我地一路攞住D架撐...一路行到滑雪BB班既場....第一件事...我地竟然係即刻將嗰兩支雪撬丟落地下...唔怪得我....因為實在太重了.....影低佢先..

過左雪地上開心既早上，當時既氣溫係零下3度...

我都係..係咁二滑左幾野...就要抖吓...跟住梗係影相時間啦，我地同團友一齊合力堆左個雪人...HAHA..係2D版啦.....你睇到嗎???

仲有大家懶係營造雪花滿天飛既感覺....結果係....HAHAH....將D雪拋黎拋去...有D仲食雪餅TIM...HHAHA....

兩位男士辛苦晒啦......HAHA....後面落黎仲精彩....係調轉.....我地咁多個女仔...幫兩個男仔營造更勁既雪花飛....HAHAHA

玩完啦.....還返D滑雪用具同對鞋先....

再行一陣商場先.....

行到差唔多食飯時間啦，我地去左個滑雪場個FOOD COURT度食,冇乜款揀...於是食最穩陣既炸豬扒餐(9500WON)..有湯,有飯,...佢地興食飯後, 自己攞埋去個回收COUNTER...將佢分門別類....都係一個幾好既CONCEPT~

咁啱俾我SISTER留意有型仔出現.....於是......(HAHA 我地D香港女仔真主動.....)問佢可唔可以一齊影張相....佢初初問WHY....SISTER 答佢...YOU ARE HANDSOME..於是佢就笑笑口...咁同我地影相啦....HAHHA..

你地覺得佢型嗎?!?!?

型呀

我發覺我好鍾意望D滑雪板...因為佢D圖案..好型...好SHARP..有螢光既...有GRAFFITI STYLE...有簡潔既STYLE....正..價錢都唔平架...可以睇吓呢個WEBSITE望吓..

食完LUNCH我地差唔多時間拉大隊去搭觀光吊車，排隊啦....佢地個吊車外面有個位專俾人放SNOWBOARD同埋嗰兩支雪撬...不過望落去好似唔多穩陣囉....

HAH...PETER同我地同"車"呀.....我地係咁撩佢講野...講吓D韓國明星，又問佢識唔識中文...PETER 原來你識好多中文......甚至連..."PK"都知係咩.....勁...HAHAH

全程車氹得我地鬼C咁開心..HAHA

我鍾意呢種冷冷既感覺....喺吊車上影既....吊車去到越高..天氣更加凍了....

上面又係另一景觀...好明顯好多景係FOR 影相用...不過真係好凍好凍..好多團友都已經頂唔住急急腳搭返吊車落去..

BEAR BEAR: ANYBODY HOME?!?!?!

我影左以下呢兩張好有FEEL既相..我好鍾意....

(靚相1)

你.睇...Haysus哥哥同 Nicole妹妹自然流露既表情...幾SWEET~~加上爸爸落力營造雪花飛既效果...好靚既畫面...

(靚相2)

我幾鍾意影"後"...影人背脊..HAHA...唔該晒...PETER..真係唔好意思...偷影左你.TIM....

影完一輪...又嗱嗱聲搭返吊車落山啦...因為真係好凍....

喺吊車裏又影吓先....

經過半日既滑雪之旅，大家都好攰啦.....D手腳...因為我係囉.....好似做完劇烈運動咁.

POST返張靚靚合照先...又係鳴謝TIFFANY & JERRY既照片提供...THX FOR THEIR TRIPOD~ HAHA..張相真係好靚呀... 

玩完還返D滑雪衫..換返自己衫.....

好啦...好啦....我地宜家返首爾啦.......

上車咯...

車程...少少長途啦...瞓吓覺...醒時就攞個IPOD TOUCH出黎..煲吓劇...先..

話咁快..到首爾啦....

黎到呢個景點- 仁寺洞...買既多數係遊客野...同好有藝術FEEL既野..

呢個流動公廁..都算幾乾淨啦....唔使錢架...

沿路見到好多街邊小食, 我地買左燒魷魚食...好好味...有炸腸,有龍鬚糖...有豆沙餅,...

仲有"屎"食..(請留意右下角)

我地黎度呢個唔知咩藝術中心...有士多啤梨妹呢...

幾層高既MARKET..好似多數賣既都係DIY DESIGN野....

行完一輪..冇買到野......去食晚飯囉...今餐去萬多羅食石頭拌飯...我好似有黎過..

食完飯返酒店啦....呢間叫LEXINGTON HOTEL..佢位於汝矣島上，

個門面好靚...BUT房裏面就........唔掂囉......SISTER仲發現到個百佳膠袋呢....

我地8 個團友約左9點零鐘...喺大堂.等....去東大門行街街..SHOPPING囉...

之前已問定GARY車程同車費AROUND幾多...

佢話如果冇塞車, 大概半個鐘度..車費就AROUND 12000WON度...

於是我地截左兩部的士, 向東大門進發囉....沿途司機都有撩我地講野....

好啦....到啦....DOOTA棟大樓~

LET"S GO SHOPPING~

我地約好12點鐘喺樓下等，於是就衝呀..衝...血拼啦...以下係我同SISTER既戰利品,

買左好多衫呢~~

但不幸既事件發生啦....事緣係...大家約好12點零集合一齊返去啦....點知開始落雨..(好彩有帶遮)...

本諗住截的士啦...點知...比想像中困難.....

咁啱好好彩我地其中團友截到一部的士，佢地4個於是就返去先...

但..........剩返我地四朵金"瓜"....點算呢...?!?!!

當然係好積極排條...都唔知係咪排隊等的士既隊囉....(點解咁講呢?!?!?)皆因..我地發覺條隊慢慢變得唔係一條隊了.....好多人走出馬路截的士....

OH SHIT~~~ 雨越落越大....的士又截唔到....

其中一幕..我覺得好攪笑....話說椰菜本諗住截的士....當佢一攞起張酒店咭片...司機即刻驚到踩油喎...HAHA....結果梗係XYZ#$%%@#@ LA

我地真係好無助呢....人生路不熟....又落雨...又攞住咁袋野....又唔知幾時至可以返到酒店.....

個個都開始忟了.....

結果,...我地足足用左45-50分鐘嘗試去走出馬路...同人鬥搶鬥截的士...又用D唔鹹唔淡既韓文....真係..為左返去....乜都出齊囉....

結果有個好好司機....四朵金瓜終於可以平安返酒店啦.....返到去已經係一點20分了...

好攰啦.....要瞓啦...結果我都係2點半度至瞓....唉..

流落街道既感覺唔多好......

真係一個特別既旅行經驗..