晴天公仔@生活悠閒館

2008.12.20 (六)

旅館: 汝矣島既LEXINGTON HOTEL

 第四日行程: 

Breakfast: 中華料理自助餐 -> KimChi School -> 韓國人參公社 -> 

Seven Luck Casino -> Lunch : 人參燉雞 -> 明洞 -> COEXMALL -> 樂天世界->

Dinner: 自費Lotteria 食BURGER -> 返酒店

今朝早我都唔記得幾點MORNING CALL了..好似係7:15..今日好在終於都唔使pack 野住，因為喺度住兩晚...

我懶到連個喼都冇鎖....就走了..

今日個行程比起其他日子...超密....因為行首爾嘛...仲有....HAHAHA 應該係開始SHOPPING 既時候啦.... YOOHOO~

呢間酒店既大堂真係幾靚...好似D舊式D既英倫酒店咁...

嘩...好多聖誕樹呀....

首先梗係要醫一醫肚先啦...

我地去左一間食中華料理既地方..係自助餐形式既...

呢條就係漢江啦...就係提供佢地日常既食水供應既一條江啦...

金色嗰棟係63大樓...我十年前應該去過....佢係類似...頂樓全層係瞭望台..中間就係D商廈..百貨之類...底層就有個IMAX大電影院...(唔記得有冇水族館睇囉...)...我諗十年前都係一個景點囉...

早餐....D野食..一個結論..凍......唯一一樣想試既....韓式炸醬麵..我諗係個醬有少少暖囉.

唔好意思..連杯熱水....都唔係熱架...攪到有D團友諗住沖朱古力....點知都係融唔到..變左D粉STILL 浮喺面....囉..

唯一一樣滿足到大家既係.....熱辣辣剛蒸好既饅頭啦...

大家都食多幾個暖吓個胃先....ENCORE再ENCORE

食完早餐後，我地就去第一站-KimChi School, DIY整KimChi,當然要聽聽專人既講解先啦...然後, 就要落手落腳整啦..

當然係已預備好左D出左水既白菜仔,辣醬當然又係預備好..我地剩係跟老師學佢一樣包KIMCHI...打包完會將D KIMCHI送俾老人院....

學完野囉...影相時間啦...我地要變身啦..

HAHA...大家變身啦...一身韓服打扮，大家都變大長針呢...

嘩...好靚呀...好開心同一眾女團友影大合照...佢地個個都好好人好好玩~

嘩..噴血指數高企....RAIN露UN相....

Nicole妹妹，你好得意呀...你好似一個公仔咁..

你今日終於肯企定定任我地幫你影相啦...

大家攝位啦.....

Peter就幫我地影吓相，我地又係咁影囉...

影完囉..我地去左韓國人參公社，又係例牌野囉...睇完就走..., 呢個係門口停車場影既...

見到個南山塔同個纜車

下一站就係去Seven Luck Casino, 呢個係一個私營賭場，

聽講何鴻燊都有幾張賭枱喺裏面。

我地攞左10000 WON出黎玩大細, 玩左兩舖, 當然係奉獻晒出去啦..

個賭場比較細...BUT OK既...我見有個日本女仔同個外國人一齊玩...嗰頭玩緊一張賭枱...又不時過枱玩大細...吓吓都買12...當然有輸有嬴,,,不過佢地既"賭"樣...已經畫左喺面上....超認真...

我地飲完杯免費飲品後，去左隔離既HOTEL影吓相...嘩...有個好大既聖誕樹呀..有成個幾兩層樓高咁滯...我仲同聖誕老人影相TIM..so warm

代表唔同國家同埋唔同LOOK既Santa Claus...WOW~

又到食LUNCH時間啦...今餐係食人參燉雞，食完成個人都暖晒...我冇加到人參酒落去...因為頂唔順嗰陣味道...落D長壽麵..AHA搵到條參了...

YOOHOO~ 明洞SHOPPING時間.....由於血拼時間...我地冇時間影好多相呢..

我地去左SKINFOOD 買MASK...去左MISSHA買EYE SHADOW.. 指甲油..去左FACESHOP買PAPER MASK....

去左TODA COSA買Laneige LIPSTICK 同 Lip Gloss...

又買左hanskin 既BB Cream....

我地搵唔到Laneige專門店呀..有D團友喺嗰度買野..買到送喼呀...

最後一站..去埋新世界百貨買雪花秀....但係見時間剩返好少好少...於是嗱嗱淋去買...BUT買完後...俾SALES "昆"左去12樓TAX REFUND...嘥晒D時間...SHIT

原來落地下一層已經有...唉....落返黎後...又搵唔到路返去....點知..跑吓跑...

我同SISTER足足遲左17分鐘至到...真係好唔好意思...攪到大家遲左走....又冒住司機可能會俾POLICE趕既危險.....

SORRY各位呀..

NEXT STATION IS COEX MALL

呢個商場上次都有呢過...印象中都係冇乜野買....呢次都係...都係喺SKINFOOD買左D沖涼液...

行過見到SAMSUNG出新MODEL MOBILE ..係T*OMNIA呀..唔知賣幾錢呢?!?

不過買左都冇用...香港係用唔到既....

行完啦....跟住去樂天世界啦...

呢次係第三次黎啦...所以感覺冇乜大驚喜.....BUT都依然幾ENJOY裏面既氣氛既..

我地首先去左睇動感電影...

金瓜之一話:帶完呢個立體眼鏡後...真係自覺要去整高D個鼻..勁貼面囉..

巡遊好多人呀.....有飄雪....呢...

D人誇張到..連大肚婆都企埋上個高處睇...仲要企喺我地後面...嘩...大佬..我仲驚過你....你有乜咩事就大鑊啦...

睇完巡遊我地出左去戶外嗰PART....嘩..超凍...

見到個跳樓機冇人排隊..係唔洗排..於是去玩囉....(我同SISTER)...另外兩位金瓜唔玩, 所以幫我地影相囉...

嘩..我都好耐冇玩機動遊戲了....宜家玩當然會又驚....但又想玩囉....HAHA

嗱嗱淋帶返個手套先...因為真係好凍....我真係未試過喺咁凍(得幾度)既氣溫下玩跳樓機...

嘩....喺上面望落黎既景..超靚....睇晒呀.....嗰種感覺.....隻腳"條條FING"...HAHA..過癮...

玩完一次...似乎意猶未盡....又再玩多一次....(當然係唔使排隊啦..)..

GOOD ...爽呀..

玩完後..我地排隊睇3D電影AGAIN....點知...以為條隊好短...但排左足足半個鐘有多...

我地差D凍僵左了...有時D野好鬼邪...當我地想走時...永遠都係條隊開始郁既時候囉...

都係時候搵野食啦...頂唔順呀...要入返室內呀...我地卒之去左樂天世界外面既LOTTERIA...

係食BURGER既....

我食左個SHRIMP BURGER SET (4500 WON) 有BURGER, 有薯條, 有杯汽水..

初時見9:30..差唔多時間有激光SHOW睇啦....間快餐店都突然熄晒燈...以為開始啦...點知....冇事發生....冇激光表演睇囉...唔知點解..我地亦唔知有冇MISS到個SHOW囉

臨走前..去返D影相位...影吓張...留念先...

今日既行程都到此結束啦...好攰呢...返到酒店仲要PACK野呀....

呢D就係我今日既戰利品啦...

推介: 捽老泥擦...(紅色綠色嗰個..睇到嗎...?)真係捽完好鬼滑...

屋企用晒啦...所以要買啦...

買野又送好多細細包SAMPLE...真係返到香港都用唔晒....

宜家簡直係晚晚都敷一塊MASK咁滯...

HAHA...想知我地行程最後一日....大家大出血既程度有幾勁....留意下一篇網誌...