2008.12.18 (四)
旅館 : Clubview浪漫小木屋
第二日行程:
Breakfast: 大明溫泉渡假城餐廳
驪州Premium Outlet-> lunch: 韓式燒烤-> (時間尚早:去左鳳凰城滑雪場視察吓環境先)
到達Clubview 小木屋 -> dinner : 靜江園-傳統石頭拌飯
WOW~~今日早上7:00 morning call, 嗱嗱淋梳洗, 又要執喼走人，7:45喺酒店樓下食早餐，係自助餐，都係求其食D野暖暖胃先。
食完早餐，我地出發去驪州Premium Outlet,之前都抱有期望想買nike, adidas D衫，haha 卒之...乜都冇買到..只係買左件衫仔俾朋友個BB
呢個Outlet冇乜人行，所以行得好悠閒，好凍呀..BUT...
我地之前已MARK低左想行既舖頭，所以優先行左先...GUCCI 啦, BURBERRY, WESTWOOD, POLO, NIKE, CONVERSE, ADIDAS...等等...
結果..我多數係..WINDOW SHOPPING囉~其實價錢都係同香港差唔多
最後剩返唔係太多時間，所以分道揚鑣，自己顧自己去行街街，見有剩時間，周圍影吓相啦...好大個聖誕樹...靚....
行左個幾鐘，又差唔多時間去食LUNCH 了...呢次都係韓烤...
哎吔..要坐地下食....著BOOT既女士們...慢慢除鞋啦....
如果早知枝汽水係要錢自己俾...早知唔要啦..因為我自己都飲剩半枝...
Haysus 係咁碌地沙咁...好攪笑....
妹妹Nicole喺走時...好似唔想俾人影相...
點知....我一去完廁所出黎就聽到佢一路喊一路講...
"I don't want to...I don't want to...I don't want to ...
" 好可憐呢..
" 好可憐呢..
食完LUNCH，領隊見時間尚早，帶左我地去聽日去滑雪既鳳凰城滑雪場視察吓個環境先...咁佢聽日就唔使特登帶我地行一轉先囉...
去囉~~ LET"S GO~~
呢個就係Phoenix Ski World 啦...裏面..好似百貨公司咁....同我上次去雪嶽山既好唔同...
真係大好多..
HAHA...唔好心邪呀...(雖然我第一眼都覺得佢地好似去緊廁所咁...)..不過佢地係洗緊自己既滑雪板咋...
領隊帶我地去行一轉..經過間滑雪場酒店..見咁靚..於是又影低佢囉...
HAHA...元斌呀......"藍色生死戀" 就係喺度取景架啦
遊完一轉後，我地去左租滑雪衫既地方，幾方便喎..唔知宜家D租滑雪衫舖頭係咪都係可以早一日租定...帶返去...第二日可以喺酒店著住去滑雪。租用衫同褲都係15000WON (大既90蚊港幣)
租完我地向CLUBVIEW小木屋進發啦...亦係我好期待既地方呢~
經過一陣車程，又係D郊外既地方.....WOWO~~~
.....冇野講..形容唔到.....只係覺得個地方好正
歐陸式小木屋....成個AREA都係一座座兩層高既木屋..大概有十棟多D啦..
你地覺得"正"嗎?!? 我自己就好鍾意
對出又可以望到個Phoenix Ski World.好靚
我地後生既..分配到係上層既單位，點解?!??!
皆因要慢慢將行李搬上二樓...無錯係行樓梯.....HAHA...
等我帶大家睇吓屋內既環境先...
其實出發前..我上網都搵唔到好多..關於呢間CLUBVIEW既資料...
所以唔知裏面會係點...呢..
結果入到房一睇....我真係超鍾意囉....又係有廚房仔嗰隻...正..
好似童話屋呢...
嘩..仲有個露台...呀...
GOOD GOOD GOOD呢...
SKY: Peter借隻手套黎玩吓啦...好鬼得意呀....
大家著上滑雪裝喺房呢....其實幾熱吓....
安頓好後..我地又差唔多時間去DINNER啦....今晚去食DIY石頭拌飯呢
係由"阿豬媽" - 即大嬸既意思..親手整既...
呢度係拍攝韓劇"食客"既場地--可惜我地夜晚去...都睇唔真地方..同環境...只見到條黑麻麻既路....仲舖左少少冰喺面TIM...小心路滑...大家...
入到個教室咁...個阿豬媽就開始講解個石頭飯有D咩料喺裏面啦...跟住仲可以落手攪攪個飯TIM...食返自己有份攪既石頭拌飯...
嘩...呢碗飯真大份呢...食到好飽呀...阿豬媽整既...特別好食...
呢D缸係用黎裝泡菜架....擺喺地面既當然係流野啦...真正既...係放落地下架..
食飽飽...返去啦....點知....
點知......
啊...領隊GARY既錯...佢冇話俾司機聽小木屋嗰度附近係冇野食....於是司機話要兜去買左宵夜先........於是"楂"住架車..載到我地唔知去邊.....結果喺一間士多..終於停左落黎...但係...司機唔係喺士多買野..喎....咁究竟佢係想食咩呢?
GARY話...佢原來係ORDER左士多隔離既炸雞店做宵食..
HAHA..士多..OUR FAVOURITE...又去睇吓有咩食....
我地又買雪條食啦....推介..我手上既蜜瓜雪條..
原本好似700WON..有折呀..600WON咋..
仲有...我地買左D得意野返小木屋玩........係咩....
登登登櫈..滴滴金是也....承惠500WON(HKD 3蚊)一條
我好背呀...我第一次玩咋....
好靚....呀...我地叫埋Haysus & Nicole一家出黎玩...仲有兩PAIR情侶..仲有我地四條QUEEN~
哎吔..發生左小意外...
Haysus 喺玩得好開心之際...係咁畫圈圈......點知....妹妹咁啱喺佢後面..
Haysus一畫....辣燶左妹妹條頸巾......好彩冇乜事...
HAHA...小心呢...
好好玩...早知我地買多D啦...
鳴謝及轉載Tiffany之照片...
好啦....玩完係時候要瞓啦.....
不過...記住早D沖涼呀.....
皆因領隊話12點後冇熱水架....
團友們後尾話返俾我地聽..唔係12點呀...係10點呀...
吓....咁咪捱凍水涼....大家千祈唔好凍病呀....
BEAR BEAR: 我又要喺小木屋度留影.....
HOO HOO~ 聽日去滑雪啦.....早D抖先.....NIGHT~
全站熱搜
留言列表
SKYの旅行事件簿 (35)
