晴天公仔@生活悠閒館

嘩....唔好俾佢停....再黎介紹杜拜既另一個好玩必去地方...就係o係碧海皇宮酒店隔離既 wild wadi 水上樂園啦~~

我連海洋公園既水上樂園都未去過，呢度可以算係我第一次去水上樂園玩了.........我地可以坐巨型水泡圍住成個樂園漂浮，人地既水道通常都係向下滑，佢前半part就反而向上升 (即係係咁有水壓泵你上去，o個吓衝力真係唔講得笑，坐好少少就唔怕整到個pat pat 啦 ~~ 都有好幾下架...)...去到高d既地方就會有兩條路...o個邊d工作人員(超nice)會問你 " more exciting or not?"....exciting 就係去黑洞...not exciting 就無特別...滑返落低處.... 

裡面仲有好多呢類既衝浪水道.........我地個個都有玩.....尤其d外國人玩得好勁...佢地見我地睇得好入神好high....仲特登滑到飛晒d浪黎我地度...好攪笑.....but...我完全控制唔到...only 滑左落黎一下...就俾d人做浪西走了....

o係我地好留心睇佢地滑浪時，突然聽到打雷...以為咩事.....發覺我地身後有個好似瀑布咁慢慢流d水落黎....仲越流越多.....d水仲湧到我地身處既位置，去到菠蘿蓋咁高tim...嚇死我同sister...因為走唔到....食到正.....原來佢地好似每日有幾個時段會做呢d洪水效果出黎.....既...

                                                      橋上 vs 橋底

最刺激當然係條有幾層樓高既滑水梯啦，我地當然第一時間衝上去玩先....玩完再玩呢...haha....(小心磨爛條泳褲呢.....haha)

滑水梯塔上留影...好靚既帆船酒店做背景...nice nice

記住，玩滑水梯時千祈唔好好似我地咁著，only can wear swimsuit...如果唔係...好危險架....

因為我地特登o係hk 買定一個即棄防水相機，可以全程o係裡面攞住黎影，所以d相質素冇咁好....hehhe...