2009年12月-塔斯曼尼亞+墨爾本9天創意美景之旅 - DAY7 - PART2－晴天公仔@生活悠閒館

2009.12.23 (三) - DAY 7

話說食完飽飽後.....我地起程去
第四站: 古董蒸汽火車 (Puffing Billy)

我地搭3:00鐘既火車....宜家先2:30, 影相時間....
個環境好靚好懷舊，影相真係一流，幅幅都好似好有feel咁

bear bear 熊又黎湊湊熱鬧, 影返張相先。

噢..佢有個特別班係thomas火車呢~不過我冇幸見到囉...
有興趣去黎度望吓啦....http://puffingbilly.com.au/?id=dayoutwiththomas

我地仲走埋落火車軌度影tim...唔知點解..好多人..喺外地...
一見到個火車軌都會興奮莫明, 可能平時喺hk冇乜機會行路軌呱...
我幾鍾意佢嗰種舊舊地既感覺

火車到站啦.....但唔係我地嗰架...
原來d人都係咁坐架....

又去搭訕先.....氹吓個妹妹...請佢食珍寶珠先....嘩個鬼佬企得咁有型既? haha
我地嗰架到站啦....好好彩我地嗰團可以霸到一卡，唔使同d唔識既人一齊...正!

我地又去坐吓窗邊先~感覺真係好free ...未試過咁坐火車

我地會坐到去下一站叫lakeside既地方, 車程大概半個鐘度...
沿途風景都幾好..好舒服...

我地d團友同領隊都一齊玩啦.....好開心....團友eva仲帶頭除鞋tim~

我地都唔執輸，一齊感受吓"咁樣"既坐火車feel~

真係好free~~~好盡興

到站啦....著返鞋先.....去到呢個叫lakeside既站

個火車頭真係幾古董吓...

行遠d, 呢度有個公園, 我地遊吓公園先....

so relax~

呢個小朋友大過左一定係靚仔，個面珠紅卜卜咁,
我又好厚面皮咁同佢搭訕...haha

嘩...出晒汗啦....第一次喺呢個旅程, feel到有出汗既感覺,
玩完後有d手腳好攰既感覺
* * * * * *
又要去第二個地方啦.....菲臘島 (Philips Island), 車程個半鐘度啦,
越近郊外，景色又有d似返Tasmania既感覺了~~

呢度有D似渡假既地方, 好似墾丁大街嗰D咁....不過係西式版,
舖頭都係賣souvenir，賣沙灘用品嗰d

今晚既晚餐..又係中餐again~

呢度有個沙灘, 有d人游水咁囉.....唔好睇我地好似好舒服咁...
但其實好多時間都做緊手部運動....趕走d烏蠅.......好鬼多.....omg!!

黎呢度既重頭戲, 我諗大家都知....去菲臘島, 梗係睇企鵝啦..
佢地仲係全世界最細既神仙企鵝添...

各位小心呀....小心你地車底呀....
領隊先帶我地去參觀個展覽館....

介紹佢地既生活習慣...同模式

去睇企鵝啦....嗰個area唔可以影相架....因為怕嚇親d企鵝,
d staff一見人有相機，即俾個袋你, 叫你袋返好佢, 佢地d保育做得好好。

我就梗係...袋好...落我個褲袋度啦.....

今晚企鵝大約喺9點07分上岸回巢，我地8點幾開始行去個沙灘看台度坐，
(其實都離幾遠吓, 有d失望)

夠鐘啦....真係開始見到一隊隊既企鵝仔..好鬼得意.....睇左無耐...走啦....以為.乜就咁啦..冇架啦...點知......

我地沿途既橋上，都可以好近距離咁見到企鵝返屋企架....
hahah..我又做左d違規野啦....偷偷地..影左幾幅...