2011年11月-冬日の沖繩 - 自駕6天逍遙遊- DAY3－晴天公仔@生活悠閒館

DAY3 - 2011.11.27 (日) 名護市 --> 恩納

名護菠蘿園, 沖縄美ら海水族館, 恩納

早餐: SUPER HOTEL內
午餐: 花人逢(PIZZA SKY)
晚餐: 元祖海葡萄本店

住: Kafuu Resort Fuchaku CONDO・HOTEL
(カフーリゾートフチャク　コンド・ホテル)

* * * * * * * * * * *

今朝早鬧鐘冇響, 遲左起身, 7:30至醒....
從酒店房望出去既景色

8:00落樓下食早餐, 9:00 預備出車

呢日早餐豐富過尋日

事關尋日冇時間去菠蘿園,
於是見離酒店咁近, 先去左呢度先, 再去水族館啦..

尋晚返到酒店, 樓下PARKING全部俾人霸晒, 於是迫住去泊遠一D既荒地....
今朝早去行多幾步攞車, THEN 車返門口接SENDY同D行李, THEN 一齊出發啦...

唔使十分鐘, 一條直路, 好順利咁黎到名護菠蘿園啦.......喺門口既水牌影返張相先~

YEAH ~ 之前PRINT定COUPON有九折, (原價600円), 去坐菠蘿車啦...

佢"自動波"架.....自動行駛呀~!

遊完車河後, 我地去試飲同試食啦......不同種類既菠蘿酒可以任試

我都係試吓D菠蘿汁算啦....大家留意吓我個眼角.....
唔知俾咩野咬左一啖......腫左呢....

試食囉......樣樣都試D....

呢個AREA令我地最興奮.....因為係菠蘿任食呀.........好彩未有旅行團到啫.....
3盤放喺枱度...任你食....好鮮甜....(不過我都食左一舊酸既...)

咁的骰既菠蘿...好得意呀.............

菠蘿FAMILY呀...

我地喺度不經不覺都逗留左成粒鐘, 10:15 離開啦......去我地下一站重頭節目,探鯨鯊~

大概10:50 到水族館啦...我地泊最近美ら海水族館既P7停車場
(沿途俾佢地既水牌誤導呀....話P7滿喎....攪到我地差D泊左另一個停車場
....好彩去到附近有STAFF揮手示意我地, 入去P7咋,...)

今日星期日, 但又唔係好多人喎.....

往入口處進發

一入去有個可以觸摸海星同有D生物既地方....但注意唔好攞上水呀....
隔離就有個洗手區俾你地玩完, 洗返乾淨對手

入去珊瑚礁之旅啦......

好COLORFUL

重頭戲....到啦......

睇鯨鯊...佢真係好大隻.........好震憾呀~

個缸都好大...大到好難影得晒整個缸
day3-025

我地上缸頂望吓先........嘩嘩嘩....喺我地腳下咋....好大呀...

去商品區啦....齋睇.........

行去睇海豚表演, 13:00

好精彩呀....

近距離見到海豚呀...超興奮.....

HAHA....濕身.........

快速咁行去睇海龜館.....
day3-038

再跟住係睇海牛........佢個樣好鈍呀...

14:00了, 今日天氣都OK, 所以決定去花人逄食LUNCH.....點知.......
OMG, GPS話嗰條路封左呀~~~!!!!
點算............於是去左附近酒店問................

結果又行錯........佢地兩個落左車探路.........當然......又行錯啦..........
結果兜兜轉轉....成粒鐘...至搵到................

咁辛苦黎到, 當然要好好享受呢一餐, 旅遊書介紹, 話景色一流, 我地就係坐喺外邊既枱....

所有點既野食, 喺把扇度架啦......

我地點左沙律, PIZZA,同三杯野食....BTW, 個番石榴汁好甜好好味...個PIZZA都好正

呢個爸爸..好鬼型架....好多人都帶小朋友黎呢度食野....

臨走時捉住個WAITER影張相, 其他WAITER都幾靚仔架....

16:00 走啦.....呢次我地既GPS....唔多掂, 好在有個IPHONE幫手咋..........GOOGLE MAP萬歲
成功搵返條路走

不經不覺又楂左個幾鐘, 17:53 成功到達今晚住既KAFUU啦..........YEAH
好在之前睇過GOOGLE MAP 街道實景, 至唔會MISS左個咁細既路口轉入酒店....