2011年11月-冬日の沖繩 - 自駕6天逍遙遊- DAY4－晴天公仔@生活悠閒館

DAY4 - 2011.11.28 (一) 恩納 --> 宜野灣

御菓子御殿, 海中展望塔, 萬座毛, AQUAGRACE教堂, 殘波岬, SUNSET BEACH, 北谷美國村(NIGHT)

早餐: 自備早餐@酒店房內
午餐: 海鮮料理浜の家
晚餐: グルメ回転寿司

住: Moon Ocean Ginowan Hotel & Residence
(ムーンオーシャン宜野湾ホテル＆レジデンス)

* * * * * * * * * * *

今朝早大家都唔多願起身, 因為張床太舒服.. HAHA
我又係瞓到自然醒....7點零啦....

朝早起身一睇.............唔................唔樂觀............事關開始有雨啦..........
天氣報告真係準......

唔理啦...歎埋個早餐先....我地尋晚買既食物, 今朝早通通攞出黎整........
微波爐同滾水...........預備

我地坐喺露台食呢.......別有一番風味...

9:10度, CHECK OUT 啦, 臨俾錢是佢話ALREADY PAID BY CREDIT CARD,
可能喺CHECKIN時已扣數, ......但到宜家仲未返單..

9:45度, 去到御菓子御殿恩納店啦, 買手信時間, 落大雨呀~~
行錯左少少路, 好在可以兜得返

我第一次落雨楂車咋.............我終於識得控制水撥啦......
呢度有個紅芋批製作工場俾你睇.......
day4-004

買呀買呀.......D手信, 野食其實好多都係公價, 所以喺邊度買都一樣....

跟住仲八卦上左去2樓既飯堂....睇吓嗰個一望無際既海景VIEW, 正...可惜天氣唔好咋...

當時其實又有風又有雨.....D相望落去唔覺....10:45離開(其實呢一日已冇乜跟原本PLAN既時間,
只係尋日BOOK定今日食既濱之家13:30啫)

前往我地下一站, 海中展望塔啦...11:00度到了, 又係落雨呀......遮都懶得攞,
因為D風實在...忽大忽細, 都唔知佢想點, 我地ONLY去行展望塔,
所以PRINT定COUPON有8折呀(原價1000円)

等SHUTTLE BUS, 11:20 有班車去....

嘩....好惡劣呀........橫風橫雨.........快快脆行啦............

黎到個塔啦........避吓D雨先, 去到入口, 有個人黎收飛...

落到去4米水深, 你睇我地個個"鐘"個頭埋去攪乜?!?!?! "目及" 魚是也...

好鬼似自己潛左落去咁....頭先有幾個人都睇緊...點知走左...我地三個人包場咁滯.....慢慢睇..
估唔到都睇左好耐....

12:00啦....離開呢度, 又等SHUTTLE BUS 12:25嗰班, 返停車場啦......
個司機好好人, 車到我地去停車場

出發去萬座毛啦...12:50分到達, 呢D景點, 又落住雨, 又大風, 真係睇一睇, 影一影相就夠啦....
所以我地都係影一影就極速走左.....13:02離開

YO~ BOOK左一點半, 去到剛剛好,13:26分度

食海胆龍蝦啦喂....真係未試過咁食海胆.......都好味喎.....
喺呢度又撞番頭先喺萬座毛撞過既一對香港人...
但點解.....佢明明遲走過我地....WHY早到過我地架..?!?!?!
可能我楂得好"安穩"~

食飽飽咯, 14:37度走啦..........出發去殘波岬啦..............
我地一路都好担心落雨去呢D地方點攪呀??!?!

去殘波岬途中,15:00左右, 一定經過呢間好靚既AQUAGRACE CHAPEL, 而且個天突然放晴,
唔理啦....爭取時間影左相先~於是見有位就求其泊左喺度, 快快去SHOOTING囉....

天公真係做美.........俾我地可以影到D靚相, 嗰日見到有人喺度行禮,
所以都唔敢行得太近CHAPEL前面, 拿拿淋影完相走人囉...
day4-018

15:15到左殘波岬, 個天好正呀.......KEEP SHINING....
呢度係唯一有需要帶太陽眼鏡既地方...
原本諗住上燈台, 點知.........因強風關係..........CLOSE左.......殘念......!!!! day4-019

我地唯有折返, 走人啦......臨走前都不忘玩吓先~ HAHA

15:30度閃啦...出發去宜野灣啦.....16:15度到達, ..我地先去美國村望吓先...
WOW, 我見到個孖生兄弟呀~!! BROTHER FIT~~

大家都懶, 於是上返車, 楂去個HOTEL附近, (其實好近)
呢間BEACH TOWER HOTEL就喺SUNSET BEACH附近, 幾乎一落樓就係..

黎到雖然冇SUNSET睇, 但都影吓相留念啦......不時都會見到戰機練習.......16:40度離開呢度,

話說, 我地往酒店進發既途中........跌入死亡三角..............
咩叫死亡三角? 就係行錯左三次路都兜返入呢個死亡三角裏面...
又係..LAWSON, ENEOS....OMG..WHY?!?!

經過一輪行錯路後, 終於17:30去到酒店 ( 又係3個字車程變左9個字嗰隻AGAIN)