DAY3 - 2014.03.09(日) Seoul
行程: 新沙, 高速巴士客運站
早餐: @Suitcasers
午餐:PRO醬油蟹
晚餐:@高速巴士客運站
住:Suitcasers
* * * * * * * * * * *
尋晚瞓得麻麻, 所以瞓吓醒吓.....食埋個早餐, 11:30至出門口, 天氣好好,出發去江南區先~
初時諗去唔去狎鷗亭嗰個羅德奧大街?? 個站同新沙有段距離喎....
不過賣既都係名牌野, 可能唔係太啱行~
於是索性直接去新沙算啦~!!
今日從市政廳站(201)坐2號線去乙支路3街(203)
轉3號線去到新沙站(337) , 去食醬油蟹啦~!!!
從4號出口一出, 一直走, 真係十分易搵, 咁就到左PRO專業醬蟹啦~!!!
呢個PRO醬蟹, 極力推介, 真係超級好味, 第一次食生蟹,
紅圈嗰度就係啦~!!! 
嘩....係咪見到都流口水呢???? 真係....好... 好....味呀.........
食落去有種...好似食珍寶帆立貝刺身既感覺。
我download左coupon, 送蒸雞蛋或者鍋巴湯(二選一),
我地揀左要鍋巴湯, HAHA 好彩揀佢,
因為可以將鍋巴湯啲飯放落蟹蓋上食, 超級YUMMI~!!!!
HEHE,慳返錢, 唔使另外叫白飯~ YEAH!
呢間店好受日本人歡迎, 我隔離兩枱都係日本人, 一枱係自由行, 一枱好似係日本旅行團。
仲聽到佢地話... oishii ~!
呢間好多明星都黎幫襯呢, WOW, 張根碩呢~!!
歎左個零鐘午餐, 於是去新沙林蔭大道行街啦~!
落返地鐵站, 再喺8號出口直行,經過幾個街口, 就到左林蔭大道啦~!
嘩...好靚呀~!!!不愧係韓劇拍攝既熱點。
好多好有特色既CAFE同BOUTIQUE!
好似去左歐洲既地方咁.....
去行吓啲boutique先
哈哈~!偷影左位韓男TIM~
入去MCM行吓先~不過買唔到野囉~
呢個BEAR BEAR真係好大喎.....
沿住呢度林蔭大道行, 都有排行~
好靚呀~!!
呢對公仔, 好吸引我對眼球....於是影低佢落黎....佢擺放喺一間boutique既入口附近
唔好亂攞黎食喎, 假架~!!!
行到3點零了, 去搵間CAFE坐低歇吓先, 好想食雪糕
YEAH!!! 滿足! 有雪糕, 有窩夫, 有LATTE, NICE!
呢間CAFE似乎有少少嘈左啲啲,
不過唔理啦, 佢地有佢地嘈, 我地有我地HEA, 上吓網, 飲吓, 食吓...SO ENJOYABLE!!!
難得咁樣用時間法, 真係去旅行先得~!!
HEA左粒幾鐘, 又起身去行吓啦, 有入左啲後街睇, 仲有好多特色小店呢~
間間都咁有特色, 又得意~
食呀食呀....估你唔到, 原來幅圖係喺一間健身中心出面,
即係叫人食完, 記得去佢地度做運動啦
韓國潮流網店bagazimuri.com,入去逛吓先。
5點零了,喺新沙站(337)搭3號線去高速巴士客運站(339), 一出就係GOTO MALL地下街
好多店都有SALE, 同埋好抵買既W10000袋, 不過當你睇吓睇吓, 間間舖都好似差唔多時
就花多眼亂.....了....
GOTOMALL兩邊都有幾間食肆, 行得攰既, 就可以坐低食啲野啦~! 幾方便
行到8點零啦, 肚餓了, 咁啱經過呢間, 阿朱媽講國語喎,
又叫我地試吓喎, 咁咪試吓囉, NOT BAD!
9點零啲舖都差唔多陸陸續續關門了, 所以就搭返3號線, 去乙支路3街(330), 再轉2號線返CITYHALL(201)啦，唯一一次喺轉車時, 行左好多錯路, 至去到啱既月台......
CITYHALL 8號出口, 應該係比較近旅館。
行返旅館休息啦, 明天要早起......! GD NITE!
文章標籤
全站熱搜
留言列表
SKYの旅行事件簿 (35)
