晴天公仔@生活悠閒館

呢幾日一有時間都密密鉤織.....post 返出黎俾大家睇吓先..

呢條頸巾其實喺早幾個月前整好既，都好花時間整，因為又要諗點配色，最攞命係鉤完小花又要逐個逐個縫返埋佢，d線頭線尾，真攞命....haha...又係送俾朋友，不過等冬天先....

呢件特別應彤彤太嫲要求，要白色既，送俾彤彤既披肩仔....我老媽又係話我鉤得唔夠手鬆囉....我既毛病，以為手鬆左，點知都好似手緊左...

彤彤：我鍾意呀~~~

近排咁啱有兩個朋友都就黎生baby，所以鉤左件小衫仔，準備送俾佢地，我第一次織長袖衫咋，縫緊既時候，真係發覺自己d織法好唔均勻，一時手鬆，一時手緊，呢個都係我一直既問題，而且我從一開始學攞針既手法都唔正宗.....唔同書教嗰隻...真係做壞手勢...改唔返了...

呢個偏藍漸變冷幾靚，我另外一件七彩漸變既同款衫因為買唔夠冷，又買唔到，所以宜家擱置左。呢件其實未完成架....睇唔睇到呢......

其實係....

仲掙一粒鈕...未買...諗住用"啪"鈕，縫返個假既鈕喺面度......

睇吓有冇d可愛既鈕先.....