2008.09.06 - 2008.09.07 (六-日) ~ 中山泉眼溫泉二天遊
第一天
我地一行八人，星期六放工後一齊拉大隊去中山浸溫泉，之前睇"頭條"有介紹過呢間溫泉酒店，話係今年7月先試業，於是咪去吓囉....
原因係..有D賣點吸引到我.....
(1) 每間房有個室內溫泉浸...
(2) 露天溫泉係24小時既.......
(3) 溫泉酒店都叫做新，所以估D房應該唔會DIRTY得去邊
我地呢次係喺油蔴地旅遊BOOK PACKAGE , 酒店+ 船票
我地BOOK 左兩間榻榻米房($560/晚) + 兩間高級雙人房($740/晚)
買埋優惠船票來回($260) 但BOOK時要CONFIRM 船既時間
圍起每人都係5-6百零蚊度....
約齊晒&喺中港城集合後, THEN 搭15:00船去中山港....因為途中要兜去機場接人，SO我地既船程由原本1個半小時，變左2個小時
17:00至去到中山港碼頭，出埋閘，見到個攞住水牌既司機大佬，(暗地裏都知佢等左好耐...我都循例講聲唔好意思.....)
我地坐既係22座嗰D旅遊巴，8個人霸晒成架車，爽.....
由中山港去三鄉縣，原來都幾遠，都要成一個鐘頭車程
(之前雜誌寫30分鐘....呃人既)
呢個係泉眼溫泉酒店既大堂，我地到達嗰時，當然冇咁少人啦....
差唔多夜晚6點鐘，終於到左中山泉眼溫泉，第一件事梗係CHECK-IN先啦，我又一貫好似做導遊咁，幫佢地處理同安排呢D事，結果......
激氣事件(1):
情況太混亂了，超多人，都見到D香港既旅行團，佢地D STAFF又應付唔來喎,結果好多人唯有喺櫃台度等..等...等...，有D失策既係...
我地大家都冇預到要俾DEPOSIT既錢,,, 每間房要500蚊，總共2000蚊。俾埋DEPOSIT有D朋友都冇晒錢咯~
事情梗係冇咁順利啦.....到我地準備入房啦，有兩個朋友間房出問題了.....報名時REQUEST 左係要一張雙人床,結果出黎既係2張單人床...
咪又係番返RECEPTION拗囉....卒之...都係換唔到房, 唯有將張床拍埋一齊囉，間房既SIZE都唔差架...
煩完一輪後，當然就係放低我重重既袋，我個袋永遠公認係"超級重"嗰隻，無論返工,出街, ...等等都係攞住個超重既野....裏面可能裝左磚頭呢..HAHA
呢個就係我地間榻榻米房啦，嘩...分分鐘個溫泉浴室仲大過個廳位。
地方都算企理同乾淨，可能係新開既關係啦。
另一煩事又發生啦...
激氣事件(2):
話說我地要去食免費包餐既晚餐啦，原以為係啱啱經過既中菜廳。點知係要用房條KEY換溫泉個LOCKER KEY 同個餐牌，
仲話俾我地聽個自助餐喺溫泉裏面，要我地換房間既浴袍披上面，或者"對"左條佢地既橙色褲著上面,至入去....我地班女仔突然多左好多問號喺個頭上....
WHY WHY WHY??
於是我地好騎呢咁著住O個條橙色褲行去室外溫泉食飯嗰度啦，嘩..場面果真墟冚...
簡單講解一下: 室外溫泉係對外開放同埋要買門票既，所以當地人盡顯佢地既本色, 一有野食就爭崩頭，我地就當然唔夠佢地黎啦....而且亦唔想餵蚊...SO 決定去返個中菜館自己俾錢食吧啦..坐房最低消費$198. 又有冷氣嘆...
我地叫左泉眼溫泉白切雞...(超!講到咁好食...點知係最冇睇頭既一道菜)
豆腐煲好好味, 好滑
剁椒魚頭...我冇乜點食....
回鍋肉
有個唔知咩湯...唔記得...
SO FAR 埋單$282人民幣, 都OK~
好在睇睇張單，叫既野冇錯，BUT 個白切雞明明記得係$58/半隻, 點知張單寫$138於是佢地就幫我地改返啱佢啦....
食完野就梗係沖返個身,預備去浸溫泉囉....
激氣事件(3):
之前好期待可以一試礦沙同埋俾魚仔食死皮嗰兩樣野，點知係要俾錢既~~~
超.........搵笨~~~ 魚仔池$20蚊人仔20分鐘, 礦沙好似$10 10分鐘...咪就咁....冇得玩囉...
唔想俾錢玩咁唔抵...
裏面唔准影相，所以相片欠奉。
我地都係咁二浸左幾個不同既池，同埋兜左一個圈咁囉...
我都唔敢浸得太耐，因為塊面已谷都好紅了~~~
要收手啦....
於是準備去做MASSAGE啦。
激氣事件(4):
又係好似返大陸揼骨咁,,,,叫佢地10點一定要HOLD房俾我地，點知我地準時去到啦，有兩個要喺一邊房，其餘既喺另一邊房(即入返個室外溫泉區度，THEN OK LA...
點知佢地幫我地四個女仔，搵黎四個男師傅，話唔夠人用，冇晒女仔師傅，頂....有冇攪錯，俾個三唔識七既佬黎摸...NO WAY~
於是我地諗住走之際，搵返同團既兩位男性朋友，點知佢地就安排左個女師傅喎....咩事呀....佢地規定女要優先幫男客按架咩，於是我地交換左佢地嗰兩個女師傅, 再等埋齊四個個至肯做囉...
大陸既做法真係咁既....一時一樣,佢地講既野絕對唔可信.....我都估到..所以未到真係OK嗰一刻,都千祈唔好盡信囉..
於是我地前後腳分別做完90分鐘既韓式按摩，BUT 佢所謂既熱石....(POSTER SHOW出黎, 幾舊石喺你背脊嗰D，通通唔兌現，只係放左兩個熱既藥包喺肚同頸既位置.....)...所謂韓式佢地話係打側身按....所以腰..某D位都冇乜點按到....只係係咁二掃幾下...SO FAR ...係舒服既...都係$138人仔打八折.
攪掂完都12點幾，大家各自返房休息...我同MAY & MARCO就肚餓...要買杯麵呢....$10一個康師傅杯麵呢.....嘩...超貴...
嗰晚同埋阿SING同MARCO一齊鋤D到4點至收手.....嘩....好耐冇試過咁"早"瞓...大鑊呢....之後瞓返幾日都補唔返了~~~~~
第一日就咁完結囉....
全站熱搜
留言列表
SKYの旅行事件簿 (35)
