2008.09.07 (日) 第二天
瞓左幾粒鐘既我,又要十點鐘起身,執好行裝, 約好左其他朋友仔11點鐘CHECK OUT LA...
我同MAY就係住呢間房啦~
(hah個樣唔覺好殘呱...SURE LA..執返D眼耳口鼻先俾人影相嘛...BUT WOW..粗粗既手臂呢..曝左光TIM)
喺酒店走廊影返出去室外溫泉既景
我地冇食佢個免費早餐(供應時間係7-9AM),因為大家都冇起身,而且經過尋晚既經驗後,都係選擇唔食,寧願早D出去LUNCH吧啦...
為左大家著想,我於是出發前一晚,上網去搵吓D資料,睇吓附近有咩食,於是俾我摷到一間"正野"(其實我都唔知係咪正野...見D FORUM講好似好出名..)
"大記酒樓"
點解要揀呢間呢..?!?! 等我話俾大家知啦....
原來呢間大記喺中山好出名架....
招牌食品係~~鴨比瀨
好似連深水埗都有一間。
於是叫酒店可唔可以安排到車送我地過去。結果等埋佢地超龜速既CHECK房後, (因為又咁啱同旅行團D CHECKOUT時間撞晒,所以又係好多人喺度等呀等囉....
我都係等埋單同攞返DEPOSIT嗰二千蚊咋....
司機等都忟了...我諗....
車程大概10分鐘左右,就到左目的地,喺三鄉市場附近
包起晒既食具,嘩~~"紫光消毒"喎..感覺乾淨D好....
我地當然叫左鴨比瀨試試啦....
但食後大家既感覺..好壞參半啦..我自己就覺得瀨粉幾滑
三鄉小食拼盘
自磨家鄉釀豆腐
炒通菜
冬瓜盅
椒鹽九肚魚
豆撈 - 類似糖不甩
黑椒鉄板大腸
炸魚球
好飽呀...都有野食剩....埋單承惠$254人仔...抵到爛..
食完後差唔多12:45。於是問返酒樓會唔會有車送返去泉眼酒店,佢話宜家有啦,於是嗱嗱淋上車返酒店,再睇吓有咩攪。
因為我地BOOK左17:30船,15:00 有車喺酒店載我地去中山港,所以諗諗喺酒店有冇腳底按摩做吓....
返番酒店,想做腳底按摩,又係要講一輪.....又話冇咁多房,又游說我地做身既按摩,我地SAY NO....諗住拉大隊走人,喺中菜廳歇到夠鐘。點知...追返我地上黎...乜都話OK...
卒之我地8個人, 4男4女各一間房。我見男仔間房...D 人預備拉開張梳化床,即刻望吓間女仔房,見係梳化床...即刻叫佢唔好郁啦...唔使拉開張床落黎... 就咁按就得...
D 師傅又話拉啦...拉左舒服D, 我地都唔理佢...
又係話唔夠女仔師傅...俾到二個我地啫....我同MAY就冇所謂,叫男師傅都得...
於是就咁講掂數AND消磨左一個鐘啦.. $60蚊人仔八折後, 即$48。
做完都差唔多2點半,於是坐喺LOBBY "HEA"到有車為止...
作作狀....影返張相先...
肥嘟嘟既我....
黎返張大相照先....MARCO先生...你好唔合作吓....你對眼FOCUS 左去邊呀?
有車黎啦...差唔多四點去到中山港...BUT 我地冇得改船飛時間,所以唯有玩啤牌HEA到5:30上船....
一個半鐘既船程...終於返到中港城了~~~
兩日既行程就咁完了.....
不過有D建議, 最好真係平日去,週末真係多人到嚇死人....無謂有D不必要既勞氣啦..
仲未完呀~~~仲有下場呢.............. 留意下個網誌啦~~~
全站熱搜
留言列表