2009.04.11(六)
Breakfast: 香格里拉空中花園 ->小瑞士花園 --> 青青草原
Lunch: 青青草原外攤檔 -> 睇:趕羊秀, 逗牛秀 -> 綠楊泡溫泉
Dinner: 雲南小吃 -> 夜遊小瑞士花園 -> 返香格里拉嘆夜茶
**********************************
今日自然醒, 都又係講緊8,9點, omg, 難道我已變成老人家?!?!
晨早起床~~清新開朗~~~ 啦啦啦..
what a good day~
溫度都係十幾度, but 有太陽溫暖住, 好舒服
我地整理好後, 落去餐廳享用我地喺清境既第一天早餐
wow..我地選擇坐露天位, 望住個景.歎住d早餐..
人生一大樂事, 我好耐冇試過咁樣悠閒過了~
喺我地用餐之際, 突然見到個好可愛既小妹妹 , 我唔記得佢叫咩名了..
佢一歲零8個月咋..但佢識得好清楚咁講 "我愛你"...攪到我冧晒~
佢婆婆話佢仲識得走秀架...好叻叻呀...
我愛死你了~
嘆完我地既早餐後, 開始今日既行程啦,
我隻腳經過一晚既休息後, 終於冇咁痛了
第一站, 我地先去小瑞士花園, 要俾入場費, 每人NT120
小瑞士花園其實唔係好大, 一眼見晒, 都係睇人工花花草草, SO影吓相啦...
地方好空曠, 好悠閒, 公園都有幾個地方俾人坐低飲吓野, 同欣賞音樂噴泉
你睇....我地究竟攪乜鬼.....?!?!?!快D讓返個景黎俾人影相啦....霸左好耐啦..各位
公園有個空地叫星光草坪....睇吓夜晚再黎過...有冇星星睇先?!?!
我地逗留左一陣, 再影吓相, 就準備去青青草原啦
我地問人應該點上去, 佢地話有個南投客運嗰D大巴可以上去, 15分鐘一班,
票價NT15/人, 於是等等等.....
車程其實唔係好耐, 不過只感覺到係咁兜兜兜上山囉..
好啦...到入口啦...買飛先...盛惠NT100位
天氣好好...唔係太晒, BUT幾好陽光..我就咁樣失策了....
諗住唔洗擔遮....咁就"粟一燒"了......變左黑妹返黎....
好多羊遍佈喺整片草地, 個景,個天靚到暈, 心情真係好開朗
呀~!紅豆羊奶雪條~買條先...好食呀...
WOW..有人特登黎影婚紗相呢...BUT..滿地羊屎喎.....AHA
呢度有個綿羊餵飼區, 有D細D既綿羊仔喺度, 我地買左一包, 湊吓熱鬧, 餵吓先...
OMG~ 我俾咩咩羊咬左啖呢~~痛痛~
羊咩咩都係識聽聲架...我係咁整D"索"袋聲,
佢地就一窩蜂走埋黎囉....WOW...慢慢黎....
好啦..餵完啦..我地行返落斜路, 先去搵野食醫肚先,
我地去左外面既攤檔, 解決我地既LUNCH~
都幾好味...好有風味....又平....正~
14:30 啦, 返去睇趕羊秀, 個秀半個鐘度, 我地就坐喺座位度欣賞,
(皆因老外老細, 返去紐西蘭渡假,所以冇剪羊毛SHOW睇)
不過都幾得意既....你睇幾多人~~~
睇完SHOW,再繼續去睇逗牛秀, 途經商舖, 又係食野時間, 羊奶泡芙..正
羊奶就超級"SO", 朱古力羊奶就好D...因為朱古力味蓋過了羊SO味
逗牛秀就有少少悶, BUT 都睇完左
好..我地要折返去入口, 準備去綠楊泡溫泉啦, 佢係亞洲最高既溫泉SPA
(嗰一刻仲未知自己已曬傷了DD)
我地行馬路呢...SO DANGER~ 向前600公尺...沿途見到唔少歐陸式既民宿, 超靚
OMG~我地行左15分鐘, 終於到了....點都要SET腳架影返張..攰 相...
GOGOGO ..泡溫泉啦...嗰日個池一個人都冇, 我地包場呢... NT450/位
不過好可惜..佢地話冇開戶外嗰池...
所以我地喺室內既溫泉玩吓各式各樣既噴噴按摩溫泉
WOW...爽呀....浸時開始覺得自己隻手..慶慶地...先知原來我對手同塊面都已晒親....
OMG...變左紅鼻子....
好啦...係時候折返了....
BUT....
有個問題出現了.....
皆因我地知道6點後, 根本已冇車往來青青草原同山下..死啦...咁我地點算...?!?!?!
ALMOST 7點啦....天已黑了...我地摸黑行馬路...去返草原入口....好驚吓...
四野無人, 一片漆黑.....大鑊...我地點算呀?!?!??!
難道要徒步行返落山??!?! 我諗冇一個鐘都行唔到落去囉....
弊弊弊...喺我地絕望既時候...
有架私家車呀.......
我即刻飛奔去問佢地我地可以點落山啦.....
點知...
點知....佢地實在太好啦............ (WE ARE SO LUCK)
佢地肯載我地四個人落山呀.....
個爸爸仲係咁話唔好意思..要你地咁逼...
嘩...我地多謝你都黎唔徹啦....仲反而係你...係咁話唔好意思...要我地逼...
你們實在太好人了~~
我地非常感激佢地...架車一路落山..我地就一路慶幸自已唔使咁樣行落黎..
落左山後, 我地就是但搵左間路邊既小店去食啦...
食完再入去小瑞士花園逛吓.....夜晚有燈係靚D既...
BUT 睇唔到星了...因為超級大霧...所以又折返民宿..嘆夜茶了....
咁又過左一DAY了....
弊啦..我今晚要敷厚D 水分晚霜先~~~
仲見到自己塊面開始紅紅的...尤其係個鼻囉.....敷多D...敷多D....
返到房...又係睇電視時間...攪到點幾2點至瞓...
OMG..明天要離開了....要早起上合歡山.....
各位早抖.....
至於明天...唉...簡直係..........
* * * * *
留言列表