保護貼三部曲－晴天公仔@生活悠閒館

首部曲: 貼錯

事緣買左相機返黎後, 梗係等佢過左10日先貼返張保護貼啦....

當初都係諗住攞返落SHOP到搵人幫我貼, 冇死啦....

點知自己又叻唔徹....無端端早一晚就攞出黎貼...

咁我好小心奕奕咁分返邊度打邊度啦...(事關我試過攪錯..)

好老定咁貼啦....
點知....出事啦..最尾個STEP想搣返張NO 2既貼紙時,
扯返起左...貼極都再冇貼返好過..兼刮花埋..
唯有返去搵同事幫忙啦....咁.......

二部曲: 懷疑

返到公司後，我當時仲未發現到有咩異樣，明明眼見張保護貼有D唔妥，
粉紅色既......仲好薄TIM~

俾同事係咁二一望之下，佢地笑左出黎...我話...唔通我貼緊嗰張係唔啱嗰張??
真野留左喺屋企?!?!於是即刻叫屋企人幫我留意吓千祈唔好當垃圾丟

BUT 當我返屋企睇返時，原來張紙係有字既, 咁即係唔係真野啦....咁...我朝早喺公司丟嗰張....至係真野?!?!?! OMG??!?!

三部曲: 揭盅

算....我打定輸數....等得閒再去買過張吧啦....過左幾日，尋晚終於的起心肝去買啦....
諗住呢次叫同事幫我貼啦.....

咁臨貼之前....咪抹好個DISPLAY至叫同事幫我貼囉....點知...

我抹吓抹吓..................

咦.....望真D...點解個DISPLAY邊緣度有個邊位.........

我突然彷然大悟...

唔通.......我個保護貼其實由始至終都冇貼錯到.....?!?!?!?

OMG~ 見鬼囉....

我再俾我同事一望....佢地呢次笑到啤啤聲...AGAIN~

咁既錯誤示範竟然發生喺我身上......

只怪我原來貼保護貼既技術太好了......

貼到好似冇貼到一樣, FEEL 唔到.....

你睇.......