2009.04.08(三)
Breakfast: @ Dandy Hotel
行台北車站地下街,站前地下街, 書店街,附近街->
西門町 -> 101 -> 忠孝東區 -> Dinner: 茶街@東區 ->
士林夜市
**********************************
今朝早自然醒, 都講緊係8點幾9點，於是就慢MORE MORE咁執執個樣,
就落去樓下食早餐,
呢度係食早餐既地方, 其實周圍都係香港人咁滯....
(HAHA唔知D人會唔會見我一個人...會以為我係台灣人呢?!?!)
呢度係自助餐形式，其實少少地, but 我自己黎講...夠食囉...
橫掂都出街搵野食架啦...無所謂,
今日我例牌食吐司+牛油, 少少沙律, 佢有粥...野飲都好多選擇...
我飲左杯熱豆漿
今日第一樣事要做既係退返d高鐵飛(每張要收返NT20手續費),
事關尋日同我地包車既司機傾過, 我地由台中去墾丁都全程坐車算...因為價錢差唔多..去既地方可以flexible, 最緊要係我唔使攞行李上上落落....方便d..
高鐵...算啦...下次有機會再坐...
呢度係前往中山站必經過既馬路...我呢日都出出入入無數次
搞掂完後, 去左台北車站地下街附近逛吓....
台北車站->站前地下街
無無聊聊咁周圍睇吓...周圍影吓....周圍行吓....橙色呢間福泰桔子(兩間), 同新驛旅店(CITYINN HOTEL)宜家都好多香港人選擇住既新型旅店...貪佢夠近夠方便, 又唔貴
胡椒餅呢, 當然要試試啦(NT45/PCS)....真係好好味道呀....可惜我一個人食唔晒....
食剩左d...
好多人排隊, 當中梗係不乏香港人啦, 個個都楂住本天書..
再逛逛光南大批發, 買平文具囉....我仲買左幾枝我平時用開既走珠筆,
香港買$14, 光南賣 NT35咋....入貨先...
係咁二行完後, 都唔使特登去食LUNCH- 一路行一路食算....
第二站去邊好呢???! 尋日增左NT100落悠遊卡度....順路既...
就去西門町啦...宜家應該係1點幾...食完個胡椒餅仲未覺肚餓...於是....又係行~~~
其實西門町冇乜大變, 我上次黎就係住一樂園, 呢次冇特別路過...
呢個係西門紅樓, 假日會有好似BAZZAR咁既市集....NOW...靜........
D得意商舖
萬年依然係好舊既感覺..我印象中上次就係去呢度幫襯影沙龍相...
老天祿-武昌街店...賣鴨舌....阿宗應該喺附近....點解我見唔到既?!?!?!?!
買左一杯蜂蜜苦瓜汁飲...
跟住就係要買手信既時候.....去港記買鳳梨酥...仲有去黑橋牌買豆干...同事超愛食.
BUT 我對手真係覺得好攰呢......但都要去食一食"賣飛佛" - 蚵仔煎
上半場要休息啦...都係折返酒店休息吓先....
下半場去邊?!?!??!
繼續行程....
多得詩怡又陪我去101買阿KIT要既黑糖...(查實我平時唔係好見到有得賣...)
又行到腳攰了..............
夜晚約左另一個台灣朋友-小瓜喺東區事但一間RESTAURANT食飯
叫"茶街"
佢類似香港既茶餐廳, BUT當然舒服好多, 地方大好多,
但我發覺好多枱都喺度玩"啤牌"囉...怪怪地咁 ....
同行仲有佢兩個朋友
食完飯去士林夜市逛
估唔到既事.....發生了....
我竟然喺士林夜市街頭撞到Osman ~ 嘩...有冇咁啱呀?!?!?!?
喺台灣遇見香港朋友喎....咁攪笑...大家見到嗰刻都"O"晒咀...
咁難得喺外地都見到面, 梗係要影返張相留念啦....
原來佢係黎台灣宣傳電影 - 係啦..呢套呀...有興趣CLICK入去睇吓介紹啦..
永久居留...
唔怪得唔見其他三子啦~
行行吓... 又無聊影吓先~
多謝小瓜請我食飯,
仲有佢地陪我周圍逛
行到11點幾.....返到旅店已ALMOST 12點了....好攰ALSO~
影低今日既戰利品先
(咪住...D戰利品多數都係買俾人既..得嗰幾枝筆係我自己既)
枝酸梅湯我有一直帶到去墾丁架...
但都冇機會開黎飲..可惜..
今日又係攰攰攰.....攪到好夜至瞓....我都要PACK好少少野...因為明天朋友黎JOIN我了, 我要轉房了...
都係早抖先..聽日.....都係自然醒把啦...
至於明天....有D更奇妙既事發生了~~~
等我下一篇網誌啦~
* * * * *
全站熱搜
留言列表
SKYの旅行事件簿 (35)
